వర్మ నిర్మాతగా మెగాస్టార్ 151వ చిత్రం "దొర... ది లార్డ్"??

మెగాస్టార్ చిరంజీవి ముఖానికి మళ్లీ రంగేసుకోనున్నారు. బాలీవుడ్ సూపర్‌స్టార్ అమితాబ్ బచ్చన్ కోర్కె, కోట్లాది మంది అభిమానుల ఆకాంక్ష మేరకు మళ్లీ వెండితెరపై కనిపించనున్నారు. ఈ విషయాన్ని స్వయంగా చిరంజీవే తాజాగా ప్రకటించారు. 

పూరీ జగన్నాథ్ దర్శకత్వంలో ప్రముఖ దర్శకనిర్మాత రామ్ గోపాల్ వర్మ పర్యవేక్షణలో ఈ 150వ చిత్రం రూపొందనుంది. ఇందులో బిగ్ బి కూడా అతిథి పాత్రలో కనిపించనున్నారు. ఈ చిత్ర కథను పూరీ జగన్నాథ్ కథ రాసి స్వయంగా దర్శకత్వం వహించనున్నారు. 

అయితే, 151వ చిత్రాన్ని మాత్రం రామ్ గోపాల్ వర్మ నిర్మించనున్నట్టు ప్రకటించారు. ఈ చిత్రానికి "దొర... ది లార్డ్" అనే పేరును పెడతానని చెప్పారు. ఈ పేరుతో కథను సిద్ధం చేస్తున్నట్టు ప్రకటించారు. కాగా, చిరంజీవి నటించే 150వ చిత్రం మగధీర రికార్డులను బ్రేక్ చేస్తుందా లేదా అన్నది వేచి చూడాల్సిందే.