బాలీవుడ్‌లో విజయవంతమైన ‘జబ్ వియ్ మెట్’ చిత్రాన్ని మోసర్‌బేర్ సంస్థ భరత్, తమన్నా హీరోహీరోయిన్లుగా తమిళంలో పునర్నిర్మించింది. ఆ చిత్రం తమిళనాట మంచి విజయాన్ని సాధించింది. అదే చిత్రాన్ని భద్రకాళి ఫిలింస్ సంస్థ పతాకంపై నిర్మాత భద్రకాళి ‘ప్రియ... ప్రియతమా’ పేరుతో తెలుగులోకి అనువదిస్తున్నారు . ప్రస్తుతం అనువాద కార్యక్షికమాలు జరుపుకుంటున్న ఈ చిత్ర విశేషాల్ని నిర్మాత తెలియజేస్తూ ‘ప్రేమలో విఫలమైన ఓ అబ్బాయి, వలచినవాడిని పొందలేని ఓ అమ్మాయి అనుకోకుండా ఒకరికొకరు తారసపడతారు.ఆ తర్వాత అనుకోని ప్రయాణంలో వారి మనసుపూలా కలిశాయి? వారి ప్రణయబంధం ఏ తీరాన్ని చేరిందనే విశేషాల సమాహారమే ఈ చిత్రం. భరత్, తమన్నాలు అద్భుతమైన అభినయాన్ని కనబర్చారు. వెన్నెలకంటి సంభాషణలు, భువనచంద్ర సాహిత్యం సినిమాకి ప్రధానాకర్షణలుగా నిలుస్తాయి. ప్రేమలోని సున్నితమైన భావోద్వేగాలకు అందమైన దృశ్యరూపం ఈ చిత్రం. త్వరలో పాటల్ని విడుదల చేసి సెప్టెంబర్‌లో సినిమాని విడుదల చేయడానికి సన్నాహాలు చేస్తున్నాం’ అన్నారు. ఈ చిత్రానికి సంగీతం: విద్యాసాగర్, కెమెరా: పి.జి.ముత్తయ్య, ఎగ్జిక్యూటివ్ నిర్మాత: సన్ని, సమర్పణ: మోసర్‌బేర్ సంస్థ, స్క్రీన్‌ప్లే, దర్శకత్వం: ఆర్.కణ్ణన్.
No comments:
Post a Comment