సీతమ్మ వాకిట్లో సిరిమల్లె చెట్టు పై రోజుకో రూమర్

వెంకటేష్, మహేష్ కాంబినేషన్ లో రూపొందుతున్న సీతమ్మ వాకిట్లో సిరిమల్లె చెట్టు చిత్రం పై రోజుకో రూమర్ పుట్టుకొస్తోంది. తాజాగా ఈ చిత్రం హిందీలో వచ్చి విజయవంతమైన కభి ఖుషీ కభి గమ్ చిత్రం ప్రీమేక్ అని,తెలుగు నేటివిటికి అణుగుణంగా కథను మార్చి తీస్తున్నారని ప్రచారం జరుగుతోంది. ఈ హిందీ చిత్రం కూడా ఇద్దరు అన్నదమ్ముల మధ్య జరిగే కథ కావటంతో ఇదే చిత్రం కథని కొద్దిగా మార్చి తీస్తున్నారని చెప్పుకుంటున్నారు. ఇక మహేష్ పాత్ర ఆ చిత్రంలో హృతిక్ ని పోలి ఉంటుందని,వెంకటేష్ పాత్ర షారూఖ్ ని,ప్రకాష్ రాజ్ పాత్ర అమితాబ్ కి పోలికతో ఉంటుందని రూమర్స్ అంతటా వినపిస్తున్నాయి. ఇక ఈ చిత్రాన్ని శ్రీకాంత్ అడ్డాల దర్శకత్వంలో దిల్ రాజు నిర్మిస్తున్నారు. మహేష్ సరసన సమంత హీరోయిన్ గా చేస్తోంది.

సంగీత దర్శకుడు మిక్కీజే మేయర్ ఈ చిత్రం కోసం పాటలను ఆల్రెడీ సిద్దం చేసారు. అతను శ్రీకాంత్ గత చిత్రం కొత్త బంగారు లోకం కోసం కూడా సంగీతం అందించారు. అప్పట్లో ఆ పాటలు మంచి క్రేజ్ ని క్రియోట్ చేసాయి. ఇక అనంత శ్రీరామ్ ఈ చిత్రానికి పాటలు రాస్తున్నారు. మహేష్ బాబు ఫేవెరెట్ కెమెరామెన్ గుహన్ ఈ చిత్రానికి కెమెరా అందించనున్నారు. గుహన్ ఇంతకుముందు అతడు,దూకుడు చిత్రాలకు ఛాయాగ్రహణం అందించారు. అలాగే ఇది ఓ ఫ్యామిలీ ఎంటర్టైనర్ అనిసీతమ్మ వాకిలి.. అంటే భారతదేశం, సిరిమల్లె చెట్టు..అంటే కుటుంబం అని కాన్సెప్టు తో నిర్మితమవుతోందని దిల్ రాజు చెప్తున్నారు.